domenica 29 aprile 2007

Porvoo

Le viages continua... Porvoo es un placente citate maritime locate a 50 kilometros a est de Helsinki. Si, forsan io debeva omitter de scriber le distantia, assi que on continuava a creder que isto esseva un ver viage, e non un simple promenada. Ma io non utilisa le kilometros como unitate de mensura de mi dies. Le occasion pro visitar Porvoo esseva le visita de Francesco e Michela, que ha essite in Helsinki del 24 al 29 april, in le melior hotel del citate (mi casa). Le idea initial esseva prender un automobile e currer verso Savonlinna o Kuopio, ma con nostre grande surprisa pro rentar le auto il esseva requirite pagar per carta de credito, que nos non ha. On non mesmo acceptava le pagamento in moneta o carta bancari, solmente carta de credito. Nulle problema: le plano B ha functionate multo ben! Nos ha prendite un autobus, multo plus economic (e secur, he he!) e in pauc tempore ha arrivate in iste belle citate. Io esseva pigre e non portava mi photocamera; tote le photos ha essite prendite per le camera de mi amicos, e Francesco es le autor de multe de illes (gratias!) — nunc io considera seriemente le acquisition de un photocamera simile (un modello de Canon IXUS), sia pro le parve dimensiones, sia pro le bon qualitate. Io quasi oblidava dicer que le photos es hic! (le ecclesia de Porvoo es absente del photos, perque illo es in phase de restauro, post que un incendio ha destruite le copertura)

Etichette:

domenica 15 aprile 2007

Stockholm

Io ha retornate del cruciera que JollyDragon ha organisate a Stockholm iste fin de septimana. Le cruciera esseva amusante e folle, como il esseva prevedibile, e me ha lassate con plure horas de reposo a recuperar — cosa que io va facer nunc (e possibilemente lunedi, al labor ;-) ). Un gratias special a Hanna qui ha prendite le initiativa de organisar le evento! Photos es hic — horribile como sempre, ma isto face parte de mi stilo.

Etichette:

domenica 8 aprile 2007

Bon Pascha!

Io ha retornate al calide Italia e augura a mi millenas de lectores un bon Pascha!
Heri Fabio retornava super le thema del inconciliabilitate inter libere arbitrio e omniscientia divin; alora io ha decidite de fixar mi ideas per scripto e, nunquam satiate de ridiculo, publicar los in mi sito. Si le thema te interessa, vide alora le articulo “Omniscentia e libere arbitrio”.

Etichette: