martedì 14 aprile 2009

Le seisma de l'Aquila e le campanias de disinformation

Annozero es mi unic puncto de contacto con le television italian, sia perque le episodios es visibile in internet, sia perque io non cognosce altere transmissiones que poterea interessar me. Le ultime episodio, appellate "Resurrezione", pone al centro del debatto le seisma que le 6 de april ha colpate l'Aquila, e in particular le difficultates in le gestion del emergentia — retardos e inefficientias in le adjutas — e le inexplicabile impreparation del protection civil que ha de facto ignorate le perturbationes seismic que jam existeva desde plure menses in ille region.

Le altere medios de information, efficacemente controlate per le regime, non ha hesitate a criticar Annozero e lo ha accusate de haber offendite le labor del voluntarios qui presta lor adjuta al population (accusation false, post que le unic criticas que emergeva in le debatto esseva al machina organisative). Con le exception del IDV (Italia dei valori, un del partitos del opposition), quasi nulle voce se ha levate pro defender le transmission Annozero e, in general, le libertate de information. Le situation es ben describite per Marco Travaglio in su monologo Passaparola:

Io invita totes illes qui comprende le italiano a reguardar le episodio “Resurrezione” de Annozero e a judicar per lor mesme. Le usatores de Linux pote discargar le episodio con le programma MPlayer, in iste maniera:

mplayer -dumpstream -playlist http://mediapolis.rai.it/relinker/relinkerServlet.htm?cont=po0zfTC8FmAeeqqEEqual

Ma pro concluder con un surriso, io vos lassa con iste photo, un del multissime que on pote trovar in flickr e que me place specialmente.

♥ HEARTquake

Etichette: , , ,

1 Commenti:

Blogger Martijn ha detto...

Car Mardy,

Es impossibile a me comprender plus de 5 a 10% del italiano parlate tanto rapidemente como in iste episodio de "Resurrezione". Ironicamente, es le parolas de Berlusconi que io ha potite sequer con pauc difficultate, post que ille parla plus lente- e distinctemente… forsan pro abassar se al nivello del minus intelligentes? In omne caso, es evidente que ille perde nulle opportunitate de corrumper mesmo estranieros como me. ;-)

Lo que io anque remarcava es le evidente possibilitate de facer un discurso continue de dece minutas in le television italian, sin interruption qualcunque! E in un stilo oratori que me pare haber un retroconnexion directe verso le tradition del epocha de Cesare. Impressionante, e impossibile in le stationes de television (nederlandese, german, belge, anglese, statounitese) al quales io es accostumate.

Le vetere homine in le ultime photo radia le optimismo. Admirabile.

Mi optime desiros pro fortia e sagessa a tote le italianos e non-italianos colpate per iste disastro.

- Martijn (Nederlandia)

15 aprile 2009 15:38  

Posta un commento

Iscriviti a Commenti sul post [Atom]

<< Home page