lunedì 1 giugno 2009

Electiones

Le electiones pro le parlamento europee essera tenite inter le 4 e 7 de junio. In Finlandia il es jam possibile votar ora, in tote le officios postal; le problema es que io non cognosce le candidatos finlandese e non ha ancora decidite pro qui votar. Como in occasion del electiones municipal, le sito vaalikone.fi presenta un serie de questiones que permitte al elector de discoperir qual es le candidato qui melio representa su ideas. Infortunatemente tote le questiones in le sito es in finlandese, e io non ha ancora decidite si mi motivationes es sufficiente pro stimular me a traducer los.

Ma io ha trovate que il ha anque un altere sito simile, que es usabile de omne nation e in omne lingua: euprofiler.eu. Quando on entra in le sito on debe scriber in qual nation on va votar, e qual lingua on vole usar; postea on debe selectionar le responsas a 30 questiones super varie themas (alicun questiones es specific pro le nation) e al fin on obtene alicun statisticas que monstra qual es le partitos (non le candidatos, infortunatemente) le plus simile a proprie ideas.

Le lectores qui va votar in Italia non deberea usar iste sito, perque on sape que multe politicos italian dice un cosa e face le exacte opposite; pro le italianos, le unic possibilitate de exir del miseria, del corruption, del racismo, del dictatura politic e mediatic, del derision international, del falsitate e de multe altre males es votar pro le partito Italia dei Valori.

Etichette: , , ,

4 Commenti:

Blogger Martijn ha detto...

Esque "Italia dei Valori" ha ganiate alcun sede(s) in le parlamento europee?

11 giugno 2009 02:46  
Blogger Mardy ha detto...

Si! Illes ha 7 sedes! :-)
In 2004 illes recipeva solmente 2% del preferentias, durante que in iste electiones illes recipeva le 8%.

http://www.repubblica.it/speciale/2009/elezioni/europee/italia.html

11 giugno 2009 08:49  
Blogger Martijn ha detto...

Felicitationes! :)

12 giugno 2009 01:32  
Anonymous zii v...esi ha detto...

bisogna aver pazienza.....

16 giugno 2009 01:27  

Posta un commento

Iscriviti a Commenti sul post [Atom]

<< Home page