sabato 20 febbraio 2010

-20

Io ha passate un septimana in casa, a causa del influentia. Finalmente, mi condition ha initiate ameliorar se durante le ultime dies, e benque io ha ancora alicun symptomas residual, io me senti multo plus ben.

Ma pro haber un mesura plus scientific super mi stato de salute, qual verifica pote esser melior que un belle promenada a -20 grados?

20100220_001.jpg Le quantitate de nive in le stratas es notabile

Le decision de promenar me un poco esseva causate per le bellissime die — le nordicos sape appreciar le raritate de un die de sol!

20100220_002.jpg Vista de Ruoholahti, con le camino de Helsingin Energia

Benque le temperatura esseva de -20 grados, io non sentiva multo frigido, durante que io esseva inter le centro habitate.

20100220_005.jpg Anque io habeva un bonetto de nive sur mi capite ;-)

Le zona proxime al mar esseva plus ventose, e photographar deveniva plus difficile, perque le digitos perdeva lor sensibilitate quasi instantaneemente.

20100220_006.jpg Finalmente un sede ubi reposar...

Le metereologos previde un grande precipitation de nive iste vespere/nocte. Ubi va nos poner tote iste nive?

Etichette: , ,

venerdì 5 febbraio 2010

Nive in Helsinki


Nive in Helsinki, originally uploaded by mardy78.

Iste hiberno ha marcate un record per le quantitate de nive cadite in Helsinki. In decembre le sito de YLE (le principal medio de information televisive in Finlandia) reportava que le 2009 esseva le anno con plus de nive in le sud del Finlandia, desde le 1966.

Le photo monstra un placia que es frequentemente nettate del nive: le nive es temporaneemente ammassate in un parte del placia, e postea transportate in altere locos. Recentemente le novas reportava que le locos de discarga del nive non pote plus reciper altere nive, e on considera le possibilitate de jectar le nive in le mar.

20100205_009.jpg

Fortunatemente le pistas pedonal es nettate.

20100205_007.jpg

Le nettatores creava un passage anque pro le ingresso a mi casa.

20100110_004.jpg

Iste photo esseva prendite le 10 de januario, quando le temperaturas esseva multo plus basse (nunc il ha circa -5 grados), e le pruina (it: brina, en: frost) se formava sur le arbores e produceva un panorama exceptionalmente blanc.

Etichette: , ,