mercoledì 26 maggio 2010

Mappero brings you turn-by-turn navigation in your favourite language

If your favourite language is interlingua, that is. Or if you are willing to record your voice and submit it for inclusion, chances are that the next version of mappero will support your language, with your voice too! :-)

Just follow the detailed instructions in this thread, and have the community enjoy your voice. :-) All languages supported by the N900 are supported by Mappero voice navigation too.

Mappero 3.0+beta7 is now in extras-testing, and with the advent of the PR1.2 release it shouldn't make the device unstable anymore. Please install it, test it, and report your feedback and hopefully it will get promoted to Maemo extras soon.

Etichette: , , ,

giovedì 20 maggio 2010

Digitalisation de photos in pellicula

Un del plus grande disavantages del photographia analogic, in mi opinion, es que le processo de digitalisation prende multe tempore. Io ha un scanner Epson Perfection 4490 Photo que supporta le scannerisation de pelliculas e pro le qual il ha programmas de controlo sia pro Windows sia pro Linux. Illos functiona bastante ben, ma infortunatemente le procedura de digitalisation automatic non es satisfaciente: le exposition non sempre es correcte, e le algorithmo de remotion del pulvere (que normalmente se attacha al pellicula si tosto que illo es exponite al aere) pote remover alicun detalios del imagine. Pro iste ration, io usa le procedura manual, e successivemente io edita le photo in The Gimp pro remover le pulvere e altere imperfectiones. Iste operation pote prender multe tempore.
Alora, le septimana passate io ha decidite de lassar iste carga al boteca photographic, Kuvatehdas, que se trova sub le station central de Helsinki: io les ha domandate que illes digitalisava le photos e los poneva in un CD. Iste operation ha costate 15 euros, contra le 6,50€ del sol developpamento del pellicula, ma le resultato ha essite horribile: le exposition de quasi totes le photos es — in mi opinion, ma io crede que vos essera de accordo con me — errate, il ha troppo de contrasto e multe areas del photos es blanc. Io vos monstra un serie de photos, assi como illos esseva digitalisate per Kuvatehdas, e a latere io pone le version digitalisate manualmente per me:






Infortunatemente il non ha un maniera facile pro balanciar le colores, assi le coloration de alicun photos non es perfecte. Ma io spera que comocunque vos es de accordo con me, que le photos in le columna a dextera es melior. Illo poterea esser ancora melior, si io usava un technica de exposure blending (mixtura de expositiones, un technica pro componer un imagine a partir de duo o plus differente expositiones del mesme photo); infortunatemente, illo anque prenderea multo plus de tempore.

Io probara a demandar le mesme servicio de digitalisation a un altere boteca photographic, e comparar le resultato. Ma usque nunc, io debe dicer que le qualitate de digitalisation offerite per Kuvatehdas es multo deludente.

Etichette: , ,

martedì 18 maggio 2010

Le estate ha arrivate!

In iste dies Finlandia es, apparentemente, un del paises le plus calide de Europa; durante le die, le temperatura in le sud del Finlandia es circa 22 grados, e in le nord (Lapponia) il ha 26 grados, un calor probabilemente insupportabile per ille homines de glacie.
Iste vespere, le splendor del sol me ha incoragiate a exir del casa e currer un poco. De facto, io ha currite multo plus que io expectava, e sin troppo de effortio (benque io initiava a sentir alicun micrissime dolor in mi gambas); io mesmo extendeva le route que io habeva programmate, perque le climate e le natura esseva tanto agradabile que io non poteva stoppar. Al fin, io ha currite per quasi un hora — quasi vinti minutas plus que mi standard. E si io considera que io non curreva desde plure septimanas, io debe vermente congratular con me ipse. Ma vamos vider si deman io pote ancora levar me del lecto.

Etichette: , ,