mercoledì 13 luglio 2011

...e Neverputt!

To celebrate the interlingua conference, which is going to take place in about one week, I write this post in interlingua. I'm sure you'll be able to understand it, just with a little of extra effort — if not, just enjoy the video :-)


In le mesme repositorio de Neverball, del qual io parlava in le post precedente, il ha un altere joco, Neverputt, que es equalmente amusante. Illo es un joco de mini-golf, que es jocabile de uno a quatro jocatores (in turnos). Il ha multe cursos differente, de varie nivellos de habilitate e complexitate, pro tote le gustos.

Post que le codice del programma es largemente in commun con Neverball, le porting al N900 esseva multo facile. Io debeva solmente implementar un differente methodo de controlo, assi que on pote jocar con le touchscreen. Un demonstration es in iste video:





Neverball e Neverputt es in le repositorio extras-testing. Illos non es ancora perfecte, in particular le menus debe esser ameliorate pro esser plus usabile con le touchscreen, ma io crede que illos es jam jocabile. Vole ben installar los e testar los!

Nota importante: Neverball e Neverputt usa 100% del CPU, anque quando in pausa!


In altere novas, io hodie ha recipite mi Nokia N950, le kit de developpamento pro le N9; isto es un bon nova pro tote illes qui vole jocar con Neverball e Neverputt in lor N9 — e certemente, anque pro le fans de Mappero! :-)

Etichette: , ,

giovedì 7 luglio 2011

Neverball

To celebrate the interlingua conference, which is going to take place in a couple of weeks, I write this post in interlingua. I'm sure you'll be able to understand it, just with a little of extra effort


Neverball es un joco de habilitate, in le qual on controla un balla per mover le pavimento. Neverball es un projecto que existe desde multe annos, e es disponibile per plure systemas operative; totevia, io ignorava su existentia usque duo septimanas retro. Alora, quando io lo discoperiva, immediatemente io considerava le idea de portar lo al smartphones Nokia N900 e al futur N9 (ambes es basate super le systema operative maemo). Le compatibilitate con OpenGL ES 1.1 e un stylo de programmation sufficientemente clar rende iste operation relativemente facile.

In alicun dies, io jam habeva un version de Neverball functionante in mi N900, benque con plure problemas. Iste septimana io addeva le supporto al accelerometro, assi que ora il es possibile controlar le pavimento per mover le telephono.

Multe modificationes es ancora necessari, perque le balla es terribilemente difficile a controlar con le accelerometro (supertoto perque le camera se move continuemente), ma io vole monstrar vos un preview, pro stimular vostre expectationes:





Pro le programmatores curiose, le codice fonte con mi modificationes es hic.

Etichette: , ,