sabato 25 maggio 2013

Promenada silvestre

Desde le nascentia de Alexandro io quasi non plus curre o bicycla, ma sempre promena le perambulator con le infante. Io percurre sempre le mesme via proxime al rivo, con alicun variantes. Io mostrava alicun photos de iste promedana in un altere articulo. Ma le ultime vice io decideva de vader al direction opposite; certemente, io habeva vadite in ille direction multe altere vices, ma nunquam troppo distante, perque io credeva que le promenada non haberea essite multo interessante. Ma iste vice io lo explorava plus longemente, e trovava que illo es, de facto, multo agradabile.
Ecce alicun photos; infortunatemente il quasi non habeva sol, assi le photos non es multo expressive, ma io promitte que io va poner altere photos si tosto que io me promena per le mesme via con un tempore melior.
Finalmente le estate ha arrivate
 Iste prato, coperite per flores jalne, es multo proxime a nostre casa.

Silva densissime ;-)
 Post alicun kilometros, on entra in un silva (bosco). Le strata es ample, coperite per pulvere de serration (italiano: segatura), assi que le camminar es silentiosissime. E on non disturba le aves e le scuriolos.



Myrtillos! Io va retornar a iste loco plus tarde, pro mangiar los!
 A un certe puncto, le silva se aperi e le percurso passa proxime a un radura (prato circumdate per silvas).


 E, plus in avante, proxime a un minuscule laco:


E infin, io vole monstrar vos un arbore que on pote usar como un funda (italiano: fionda, anglese: sling) gigante:

Forsan illo pote esser usate como pincia (italiano: pinza, anglese: pliers)
 Io es le author de iste photo, ma io non esseva sol. Mi assistente stava in le perambulator, e ille es felice de presentar a vos tote iste photos.
Ecce mi assistente, in le rolo de presentator:

Io es secur que ille habera un brillante carriera como presentator!

Etichette: , ,

2 Commenti:

Blogger yanello ha detto...

Na volta no te publichi un fia` de foto de scuriolos? Me ricordo che i iera adorabiles! Anca el presentator se adorabile! ^ ^

28 maggio 2013 12:46  
Blogger Alberto Mardegan ha detto...

No, i scuriolos i xe troppo comuni! El problema xe che vao in giro molto raramente co a machina fotografica, quindi i vedo spesso ma no i fotografo. Ma provarò a far meio in futuro!

28 maggio 2013 13:22  

Posta un commento

Iscriviti a Commenti sul post [Atom]

<< Home page