lunedì 28 aprile 2014

Competition de equitation

Dominica in le parco il habeva un evento particular: un gruppo de infantes e juvene pueras (io estima que le etate vadeva de 6 a 15 annos) esseva reunite pro un competition de equitation... sin cavallos!
Tote participantes cavalcava un baston con un capite de cavallo, e apparentemente esseva divertitissime. Un cosa singular que io notava, es que nulle altere personas reguardava le evento: il habeva nulle persona in ultra al participantes, non mesmo le parentes. De facto, io pote comprender le motivo. :-)

Etichette: , ,

lunedì 21 aprile 2014

Le bicycletta le plus estranie?

Le parcos de joco pro infantes es un ressource illimitate pro le apprendimento. Ma non solmente pro infantes, mesmo pro adultos!
Hodie io videva iste bycicletta:
Un bicycletta pro tote le familia
Io numquam videva un bicycletta simile; io ha vidite plure bicyclettas con duo sedias, e illos es si longe, que io non poteva imaginar que il existeva mesmo modellos con tres sedias! E nota que le sedia central es dedicate a un infante, perque le pedales es in alto, multo proxime al sedia.
E vos, qual es le bicycletta le plus original que vos videva (realmente, non in catalogos o in internet!)?

Etichette: , , ,